Compliance

Araudia Betetzeko Planaren eraginkortasuna bermatzeko, arau-hausteak ekar ditzaketen portaerak salatzeko aukera ematen da. Informazio horiek posta elektronikoz bidali beharko dira salaketak@eitb.eus helbidera. Bertan, horretarako ahalmena duen pertsonak kudeatuko ditu, arau-hausteei buruzko informazioa ematen duten pertsonen babesa arautzeko eta ustelkeriaren aurka borrokatzeko 2023ko otsailaren 20ko 2/2023 Legean aurreikusitako segurtasun-, konfidentzialtasun- eta babes-neurri guztiak betez. EITB Taldearen Araudia Betetzeko Planaren Erregelamenduan kontsulta dezakezu informazio gehiago.

Eskainitako inprimakia osatu eta e-mailera eranstea gomendatzen da, komunikazioa aztertu ahal izateko gutxieneko informazioa dagoela bermatzeko. Komunikazioak anonimoak izan daitezke.

Era berean, EITBtik kanpoko salaketa eta gardentasun kanal hauen berri ematen da:

1. Euskal Autonomia Erkidegoko sektore publikoaren esparruan arau-hausteen berri emateko eta informatzaileak babesteko barneko informazio-sistema: Eusko Jaurlaritzak kudeatzen duen kanal horrek aukera ematen du bere sektore publikoko edozein entitatetan gerta daitezkeen arau-hausteei buruzko informazioa emateko, hala nola zigor-arlokoak, administrazio-arlokoak, larriak edo oso larriak, edo Europar Batasuneko zuzenbidekoak (otsailaren 20ko 2/2023 Legearen irismena).
2. Iruzurraren aurkako Koordinazio Zerbitzu Nazionalaren INFOFRAUDE kanala, iruzurrari, ustelkeriari edo Europako funtsei eragiten dien legez kanpoko beste edozein jarduerari buruzko informazioak jakinarazteko.
3. ARARTEKOAREN bulegoa: Bulego horren eginkizun nagusia da Administrazioaren jarduera oker edo irregularrei buruzko kexa, eskari edo kontsultei arreta ematea herritarrei, eta kexa horiek izapidetzea, dagokien administrazioari beren jokabideari buruzko kontuak eskatzen zaizkion prozedura baten arabera.